អ្នកចាត់របស់ក្រុមជម្រើសជាតិអង់គ្លេសលោក Gareth Southgate បាននិយាយថា Jadon Sancho ជាកីឡាករសំណាងបំផុតដែលបានជាប់ជម្រើសជាតិអង់គ្លេសសម្រាប់ការជ្រើសរើសលើកនេះ។ ខ្សែប្រយុទ្ធ Sancho បានបង្ហាញខ្លួន៨លើក ហើយឲ្យ Manchester United ប៉ុន្តែមិនទាន់រកបានគ្រាប់បាល់ ឬក៏បញ្ជូនបាល់ឲ្យមិត្តរួមក្រុមបានមួយលើកឡើយ។ គិតចាប់ពីថ្ងៃដែលបានផ្ទេរពី Dortmund មកកាន់បិសាចក្រហមក្នុងតម្លៃ៨០លានអឺរ៉ូ។ ក្នុងការបង្ហាញខ្លួនមិនបានល្អនៅក្លឹបធ្វើឲ្យ Sancho ត្រូវបានលោក Southgate គិតថាគេជាឡាករម្នាក់ដែលសំណាង ព្រោះត្រូវបានជ្រើសរើសឲ្យចូលក្នុងជម្រើសជាតិអង់គ្លេសក្នុងការប្រកួតជម្រុះ World Cup ទល់ប្រទេស អង់ដូរ៉ា នាថ្ងៃទី១០ ខែតុលា និង ហុងគ្រី នាថ្ងៃទី១៣ ខែតុលា ឆ្នាំ២០២១។ ខ្សែប្រយុទ្ធស្លាបវ័យ២១ឆ្នាំខាងលើបានបង្ហាញខ្លួនត្រឹម២ប្រកួតប៉ុណ្ណោះជាមួយជម្រើសជាតិអង់គ្លេសក្នុងឆ្នាំនេះពោលកាលប៉ះរូម៉ានី ក្នុងជំនួបមិត្តភាព និងប៉ះអ៊ុយក្រែនកាល Euro 2020 វគ្គ៨ក្រុមចុងក្រោយ៕ ប្រភព៖ Dailymail
admin
លោក Rio Ferdinand ថាស្ដាយ United ទិញ Chiesa មិនបាន ឯ Joe Cole ថាគេជា Suarez ថ្មី
Rio Ferdinand បានបង្ហាញអារម្មណ៍ខកចិត្តដែល Manchester United មិនអាចយកបាន Federico Chiesa ខ្សែប្រយុទ្ធកំពុងឡើងជើងនៅ Juventus។ កីឡាករសញ្ជាតិអ៊ីតាលីវ័យ២៣ឆ្នាំគឺជាសមាជិកដ៏សំខាន់ម្នាក់ជួយឲ្យអ៊ីតាលីឈ្នះពាន Euro ២០២០។ ហើយចុងក្រោយនេះកាលពីពាក់កណ្ដាលសប្ដាហ៍ គេរកបានមួយគ្រាប់ជួយ Juventus ឈ្នះលើ Chelsea ក្នុងពានរង្វាន់ Champions League។ Ferdinand បាននិយាយ បន្ទាប់ពី Juventus យកឈ្នះ Chelsea ថា ក្លឹបនៅអង់គ្លេសនឹងពិបាកតាមទិញ Chiesa នៅពេលខាងមុខ។ “គេគឺជាកីឡាករល្អម្នាក់ ហើយធ្លាប់មានការទាក់ទងចង់បានច្រើនពីក្លឹបនៅអង់គ្លេស។ ខ្ញុំច្បាស់ណាស់ថាក្លឹបទាំងនោះកំពុងគិតចង់បាន Chies។ ហេតុអ្វីកាលនោះ United ទិញគេមិនបាន?”។ សម្ដី Rio។ ចំណែកឯអតីតជម្រើសជាតិអង់គ្លេសម្នាក់ទៀតគឺ Joe Cole មើលឃើញថា Chiesa […]
ស្ងាត់ៗ Sturridge មកលេងនៅក្លឹបនៃតំបន់ប្រជែងពាន AFC Champions League
អតីតខ្សែប្រយុទ្ធ Liverpool, Daniel Sturridge បានចូលរួមជាមួយក្លឹប Perth Glory នៃប្រទេសអូស្រ្តាលី ដែលជាក្លឹបត្រូវប្រកួតប្រជែងក្នុងតំបន់ AFC Champions League ដោយក្លឹបបានប្រកាសពីថ្ងៃព្រហស្បតិ៍ ។ ខ្សែប្រយុទ្ធវ័យ៣២ឆ្នាំរូបនេះបានបង្ហាញក្ដីរំភើប ក្នុងការរកបានក្លឹបថ្មីក្រោយពេលសម្រាកពីបាល់ទាត់ចំនួន១ឆ្នាំ។ នេះជាការចុះកុងត្រាដ៏ធំរបស់ក្លឹបនៅអូស្រ្តាលី។ អតីតខ្សែប្រយុទ្ធរបស់ក្លឹបហង្សក្រហមបានសម្ដែងការសប្បាយចិត្ត និងរីករាយក្នុងការប្រកួតប្រជែងថ្មី។ គេកំពុងទន្ទឹងរង់ការប្រកួតផ្លូវការនៅលីគកំពូលអូស្រ្តាលីមកដល់ ហើយសង្ឃឹមថានឹងធ្វើឲ្យអ្នកគាំទ្ររបស់ក្លឹបញញឹមជាមួយលទ្ធផលដ៏ល្អក្រោមកាងបង្ហាញខ្លួនរបស់គេ។ អតីតខ្សែប្រយុទ្ធជម្រើសជាតិអង់គ្លេសធ្លាប់ធ្វើបានល្អបំផុងដោយរកបាន៥១គ្រាប់ និង១៥បោះឲ្យដៃគូស៊ុត ក្នុងចំណោមការលេង៧ឆ្នាំនៅ English Premier League ជាមួយក្លឹបChelsea, Bolton, Manchester City, Liverpool និង West Brom។ Perth ប៉ះក្រុម Adelaide United ក្នុងដីខ្លួនឯងសម្រាប់ការប្រកួតលីគកំពូលអូស្រ្តាលីនៅថ្ងៃទី២០ ខែវិច្ឆិកា ឆ្នាំ២០២១ ដែលជាប្រកួតបើកឆាករបស់ Perth ៕ ប្រភព៖ Goal
Pep ក៏សរសើរគ្រាប់ Messi ដែរ ហើយថាមិនអាចបញ្ឈប់គេបានទេ
លោក Pep Guardiola បាននិយាយសរសើរចំពោះគ្រាប់បាល់របស់ខ្សែប្រយុទ្ធ Lionel Messi ដែលរកបាននៅយប់មិញនេះ ថាជាគ្រាប់បាល់អស្ចារ្យខ្លាំងមែនទែន។ ក្រុម Manchester City របស់លោក Pep បានបរាជ័យក្រោមថ្វីជើងរបស់ក្រុម PSG ក្នុងលទ្ធផល ២-០ សម្រាប់ការប្រកួតសប្ដាហ៍ទី២នៃពានរង្វាន់ UEFA Champions League ។ ២គ្រាប់ដែលកើតមានក្នុងការប្រកួតនេះ ក៏មាន១គ្រាប់ជាគ្រាប់បាល់របស់ Messi អូសពីពាក់កណ្ដាលតារាងមកស៊ុតមុខទីផងដែរ។ ដោយសូម្បីតែលោក Pep អ្នកចាត់ការក្រុម Man City ក៏ចេញមុខមកនិយាយសរសើរថា១គ្រាប់នេះពិតជាអស្ចារ្យណាស់ដែរ។ អតីតអ្នកចាត់ការក្រុម Barcelona ខាងលើបាននិយាយថា៖ “គ្រាប់បាល់របស់ Messi ពិតជាអស្ចារ្យ។ យើងដឹងហើយថាវាមិនអាចទៅរួចទេដើម្បីគ្រប់គ្រង Leo អំឡុង៩០នាទីពេញ ប៉ុន្តែគាត់ក៏មិនបានប៉ះបាល់ច្រើនដែរ។ យើងដឹងច្បាស់ថាពេលគាត់អាចរត់ទៅមុខនិងកៀកប្រអប់ គាត់គឺមិនអាចបញ្ឈប់បានឡើយ។ យើងបានដឹងរឿងនេះរួចហើយ យើងបាននិយាយរួចហើយ […]
លោក Michael Owen ថា៥គ្រាប់របស់ Liverpool មានចំណែក Curtis Jones ចំនួន៤គ្រាប់
អតីតកីឡាកររបស់ Manchester United លោក Michael Owen បានធ្វើការសរសើទៅកាន់យុវជនវ័យ២០ឆ្នាំ Curtis Jones របស់ Liverpool ថាមានទម្រង់លេងល្អឥតខ្ចោះ ក្រោយយុវជនជម្រើសជាតិអង់គ្លេសរូបនេះបញ្ជូនបាល់ឲ្យមិត្តរួមក្រុមរកបាន២គ្រាប់ ក្នុងការប្រកួតយកឈ្នះទៅលើ Porto ៥-១ កាលពីយប់មិញនេះនៃពានរង្វាន់ UEFA Champions League ។’ Jones បានបង្ហាញភាពលេចធ្លោបីប្រកួតមកហើយឲ្យក្រុម Liverpool មិនថាការប្ដូរចូលឬការដាក់ឲ្យលេងនៅជម្រើសដំបូង។ នៅពេលដែលអ្នកការសែតសួរថា Jones អាចដាក់ឲ្យលេងជាមួយNaby Keita និង Thiago ជាជម្រើសដំបូង Owen បាននិយាយថា បាន១០០% ប៉ុន្តែនៅតំបន់នេះក៏មាន Jordan Henderson លេងដែរ ដូច្នេះការប្រជែងយកឲ្យបានជម្រើសដំបូងគឺត្រូវការពេលបន្តិចទៀត។ Jones បានចាប់ផ្ដើមបង្ហាញទម្រង់លេងយ៉ាងល្អនៅ UCLយប់មិញ ហើយគេមានឱកាសស៊ុតដើម្បីរកគ្រាប់បាល់ចំនួន៤លើកនិយាយទៅក្នុងចំណោម៥គ្រាប់របស់ Liverpoool គឺមានចំណែកនៃការជួយរបស់ Jones ៤លើកទៅហើយ។ […]
ស៊យ! Chelsea មានកីឡាករកើតកូវីដ១៩ ម្នាក់មុនប៉ះ Juventus
ក្រុមតោខៀវ Chelsea នឹងហោះទៅប្រកួតជាមួយក្រុម Juventus ក្នុងពានរង្វាន់ UEFA Champions League នៅម៉ោង២រំលងអាធ្រាត្រយប់នេះហើយ។ ការប្រកួតធំនេះដែរ គេឃើញថាក្រុមតោខៀវ Chelsea បានអវត្តមានកីឡាករសំខាន់ម្នាក់ទៅហើយ។ N’Golo Kante មិនអាចចូលជួយក្រុមបានទេនៅរាត្រីនេះ ដោយសារតែរូបគេមានវិជ្ជមានកូវីដ១៩ទៅហើយ។ ដំណឹងនេះ បានធ្វើឱ្យលោក Thomas Tuchel អ្នកចាត់ការក្រុម Chelsea សោកស្ដាយជាខ្លាំងផងដែរ ព្រោះរូបគេជាកីឡាករនាំលេងដ៏ល្អម្នាក់ក្នុងក្រុម។ ដោយឡែកសម្រាប់ក្រុម Juventus ឯណោះវិញ ក៏មិនមានកីឡាករសំខាន់២នាក់ដូចគ្នាសម្រាប់ប្រកួតនេះ។ Dybala និង Morata មិនអាចលេងបានទេ ដោយសារមានបញ្ហារបួសកាលលេងនៅលីគ។ ដូច្នេះជំនួបនៅរាត្រីនេះ ក្រុមទាំងពីរសុទ្ធតែមិនពេញជើងដូចគ្នា។ ដោយឡែកកាលពីប្រកួតទី១កន្លងទៅ ក្រុមទាំងពីរសុទ្ធតែយកបាន៣ពិន្ទុដូចគ្នាដែរ។ ដោយ Chelsea ឈ្នះ Zenit ១-០ […]
Rio និង Owen សឹងមិនជឿនឹងភ្នែក ពេលឃើញគេឱ្យ Messi ដេកធ្វើរនាំងបាល់
លោក Rio Ferdinand និង Owen Hargreaves សឹងមិនជឿនឹងភ្នែករបស់ពួកគេទេ ដែលបានឃើញ Lionel Messi ដេកធ្វើជារនាំងបាល់ការពារគេទាត់ Free Kick កាលពីយប់មិញនេះ។ ក្នុងការប្រកួតដែលក្រុម PSG បានយកឈ្នះលើក្រុម Manchester City ២-០ មានរឿងជាច្រើនបានកើតឡើង។ ជាក់ស្ដែង Messi រកបានគ្រាប់បាល់ដំបូងឱ្យក្រុម PSG តាំងពីផ្លាស់មកលេងនៅទឹកដីបារាំង និងរឿងមួយទៀតដែលគេឱ្យកំពូលកីឡាកររូបនេះដេកដើម្បីធ្វើរនាំងការពារបាល់ពីការទាត់ Free Kick របស់ Riyad Mahrez ។ ការឱ្យ Messi ដេកធ្វើរនាំងនេះ បានធ្វើឱ្យអ្នកវិភាគបាល់២នាក់គឺលោក Rio Ferdinand និង Owen Hargreaves មិនចង់ជឿថាកើតឡើងនោះទេ។ ដោយពួកគេអះអាងថានេះមិនមែនជាអ្វីដែល Messi សមនឹងធ្វើឡើយ ហើយវាក៏អាចនឹងបង្ហាញពីការមិនគោរពដល់កំពូលកីឡាករលើលោកនេះផងដែរ៕ ប្រភព៖ Dailymail
នាយក Dortmundថា Real Madrid តែងមកលួងលោមចង់នាំយក Halaand ទៅ Santiago Bernabeu រហូតមក
លោក Hans Joachim Watzke នាយកប្រតិបត្តិក្លឹប Borussia Dortmund បាននិយាយកាលពីពេលថ្មីៗនេះថា ក្លឹប Real Madrid តែងមកលួងលោមចង់បានខ្សែប្រយុទ្ធ Erling Haaland រហូតមក។ លោក Hans បាននិយាយថា៖” Haaland គេមានបុគ្គលិកលក្ខណៈមួយគឺថាឯករាជ្យតែខ្លួនគេតែឯងមួយ។ ទោះជាឥឡូវនេះគេកំពុងលេងនៅក្លឹបដែលខ្លាំងមួយនៅលើពិភពលោកនេះទៅហើយក្ដី តែម៉េចក៏ដោយនៅពេលណាមួយ គេនឹងផ្លាស់ទៅលេងនៅក្នុងចំណោមក្លឹបខ្លាំងជាងគេមួយទៀតនៅលើពិភពលោកនេះហើយ “។ លោកបានបន្តថា៖” ប៉ុន្តែម៉េចក៏ដោយខ្ញុំដឹងច្បាស់ណាស់ និយាយឲ្យត្រង់ៗទៅគឺថា Real Madrid តែងតែមកល្បួងលួងលោមចង់បានគេរហូតមក “។ យ៉ាងណាក្ដីនាយក Dortmund រូបនេះក៏លើកឡើងផងដែរថា លោកជឿជាក់ថា Haaland នឹងនៅលេងក្លឹបលោកបន្តនៅរដូវកាលក្រោយទៀត ខណៈដែរគេនៅមានកុងត្រាជាមួយក្លឹបលោករហូតដល់ឆ្នាំ២០២៤ខាងមុខ៕ ប្រភព៖ Fotmob
Juventus ជួបវិបត្តិ Dybala និង Morata របួសទាំងពីរនាក់ មុនជំនួបជាមួយ Chelsea
ក្លឹបយក្សរបស់អ៊ីតាលី Juventus កំពុងជួបបញ្ហាដោយកីឡាករសំខាន់ទាំងពីររូបគឺ Paolo Dybala និង Alvaro Morata របួសដូចគ្នា មុនជំនួបទល់នឹង Chelsea មកដល់។ Cheslea នឹងធ្វើដំណើរទៅកាន់ទីក្រុង Turin នៅថ្ងៃពុធ ដើម្បីប្រកួតសន្សំពិន្ទុក្នុងពូល H នៃពានរង្វាន់ Champions League។ ប៉ុន្តែស្ថានភាពរបស់ Juventus ពេលនេះមិនសូវជាល្អឡើយ ដោយសារខ្សែប្រយុទ្ធសំខាន់២រូបរបស់ពួកគេកំពុងរបួស។ Dybala វ័យ២៧បានជួយក្រុមឈ្នះ ៣-២ លើ Sampdoria កាលពីចុងសប្ដាហ៍។ ប៉ុន្តែប្រកួតនេះគេបានប្ដូរចេញទាំងទឹកភ្នែក ព្រោះតែមានបញ្ហារបួសភ្លៅ។ Morata ក៏នឹងអង្គុយទស្សនាការប្រកួតនៅពាក់កណ្ដាលសប្ដាហ៍នេះដែរ ដោយសារតែគេមានបញ្ហាសរសៃពួរ។ កាមការវិនិច្ឆ័យកីឡាករទាំងពីរនឹងខកខានលេង២ប្រកួតបន្ទាប់ ពោលពេលប៉ះជាមួយ Chelsea នៅថ្ងៃពុធ និង Torini នៅថ្ងៃសៅរ៍៕ ប្រភព៖ The Sun
Klopp ថាទៅស៊ី Porto ៩គ្រាប់២ប្រកួតលើកមុន មិនអាចថាលើកនេះស្រួលទៀតទេ
ក្រុមហង្សក្រហម Liverpool នឹងធ្វើដំណើរទៅប្រទេសព័រទុយហ្គាល់ដើម្បីប្រកួតជាមួយក្រុម Porto សម្រាប់ពានរង្វាន់ UEFA Champions League វគ្គសន្សំពិន្ទុក្នុងពូល។ សម្រាប់ការប្រកួតនេះដែរ បើមើលទៅតាមស្ថិតិនៃការប្រកួតឃើញថា Liverpool ២ប្រកួតចុងក្រោយនៅទឹកដី Porto កាក់កបខ្លាំងណាស់ ពួកគេរកបានដល់ទៅ៩គ្រាប់ឯណោះ។ ដោយកាលឆ្នាំ២០១៩កន្លងទៅ យកឈ្នះក្នុងលទ្ធផល ១-៤ ហើយនៅឆ្នាំ២០១៨ឈ្នះដល់ទៅ ០-៥ ។ សរុបទាំង២ប្រកួត Liverpool អាចរកគ្រាប់បាល់បានដល់ទៅ៩គ្រាប់ទៅហើយ។ តែសម្រាប់ការប៉ះគ្នានៅលើកនេះវិញ លោក Klopp និយាយថាអាចមិនស្រួលដូចលើកមុនឡើយ។ លទ្ធផលអតីតកាលមិនអាចលើកមកដាក់នៅបច្ចុប្បន្ននេះបានទេ។ Porto ក៏បានត្រៀមខ្លួនល្អសម្រាប់រដូវកាលនេះដែរ។ ជាក់ស្ដែងប្រកួតទី១ក្នុងពូល ប៉ះជាមួយ AT Madrid ពួកគេអាចលេងស្មើបានទៅហើយ៕ ប្រភព៖ Dailymail
