វត្តមានរបស់ Gianluigi Donnarumma បានធ្វើឲ្យកំណើនអ្នកចាំទីនៅក្លឹប Paris Saint-Germain ឡើងដល់៩នាក់ទៅហើយក្នុងឈុតធំ។ PSG បាននាំយកម្ចាស់ពានកីឡាករឆ្នើមប្រចាំព្រឹត្តិកាណ៍ Euro ២០២០ Donnarumma ពីក្លឹប AC Milan ដោយគ្មានតម្លៃខ្លួន។ អ្នកចាំទីវ័យ២២ឆ្នាំទទួលបានថ្លៃពលកម្ម១២លានអឺរ៉ូក្នុងមួយរដូវកាលជាមួយក្លឹបថ្មី ហើយគ្រោងក្លាយជាអ្នកចាំទីដៃទីមួយជំនួសកន្លែង Keylor Navas។ ទល់នឹងពេលនេះ អ្នកចាំទីទាំងអស់របស់ PSG ដែលដាក់ឲ្យក្លឹបផ្សេងៗខ្ចីជើងបានត្រឡប់មកកាន់ក្លឹបវិញអស់ហើយ ដែលសរុបទាំងកីឡាករចាស់-ថ្មីមានដល់៩នាក់ឯណោះ។ យ៉ាងណា PSG នឹងមិនទុកបែបនេះទេ ក្លឹបនឹងលក់ចេញឬបន្តឲ្យក្លឹបផ្សេងខ្ចីជើង រក្សាតែអ្នកចាំទីសំខាន់ប៉ុណ្ណោះ។
Alves នឹងដឹកនាំកូនក្រុមប្រេស៊ីល នៅអូឡាំពិកប្រទេសជប៉ុន
ដំណើរអាជីពបាល់ទាត់របស់ខ្សែការពារ Dani Alves នៅមិនទាន់បញ្ចប់ការប្រកួតប្រជែងនោះទេ ដោយរូបគេនឹងបន្ដដឹកនាំប្អូនៗប្រេស៊ីល ដណ្ដើមមេដាយមាសអូឡាំពិកនៅជប៉ុនថែមទៀត។ វ័យ៣៨ឆ្នាំ និងលេងបាល់ទាត់១៧ឆ្នាំជាមួយកម្រិតខ្ពស់បំផុតរបស់ខ្លួន បានធ្វើឱ្យ Alves ទទួលបានទំនុកចិត្តពីសហព័ន្ធបាល់ទាត់ប្រេស៊ីល ក្នុងការជ្រើសរើសរូបគេជាប្រធានក្រុម U23 លេងព្រឹត្តិការណ៍អូឡាំពិកនាប្រទេសជប៉ុនហើយ។ អតីតកីឡាករ Barcelona រូបនេះ នឹងចាប់គូជាមួយកីឡាករឆ្នើមៗដទៃដូចជា ខ្សែប្រយុទ្ធ Richarlison របស់ Everton ខ្សែបម្រើ Reinier របស់ Real Madrid (Dortmund ខ្ចីជើង) និង Matheus Cunha របស់ Hertha BSC ជាដើម។ ដោយការប្រកួត U23 នៅអូឡាំពិកនេះ ត្រូវបានបែងចែកជា៤ពូល ក្នុងមួយពូល […]
ឌីផាយោនិយាយថា ខ្ញុំសង្ឃឹមថានឹងឈ្នះពានរង្វាន់ច្រើនជាមួយ Barcelona
លេខរបស់ Ramos មិនទាន់មានកីឡាករហ៊ានសុំយកពាក់នៅឡើយទេ
ចាប់តាំងពី Sergio Ramos ចាកចេញទៅកាន់ PSG ក្នុងក្លឹប Real Madrid មិនទាន់មានកីឡាករណាម្នាក់ស្នើសុំស្នងអាវលេខ៤របស់គេនៅឡើយទេ។ ពេលដែល Ramos មកដល់ Real Madrid គេបានសម្រេចចិត្តពាក់អាវលេខ៤ ដែលធ្លាប់កម្មសិទ្ធរបស់លោក Fernando Hierro។ ប៉ុន្តែទល់នឹងពេលនេះប្រមាណជាជិត៣សប្ដាហ៍ទៅហើយ មិនទាន់មានកីឡាករ Real ណាម្នាក់សុំយកអាវលេខ៤នេះទេ ចាប់តាំងពី Ramos ចេញពីក្លឹប។ ក៏មិនខុសគ្នាដែរនៅក្នុងជម្រើសជាតិអេស្ប៉ាញ។ Ramos បានពាក់អាវលេខ១៥ក្នុងជម្រើសជាតិ ប៉ុន្តែក្នុងព្រឹត្តិការណ៍ Euro ២០២០ កន្លងទៅ មិនមានកីឡាករណាហ៊ានយកលេខនេះឡើយ។ ហេតុផល កីឡាករអេស្ប៉ាញទាំងអស់ចង់បង្ហាញការគោរពទៅកាន់ Ramos ដែលជាប្រធានក្រុមបានជួយអេស្ប៉ាញលេងជម្រុះបានឡើងមកលេងជុំផ្ដាច់ព្រ័ត្រ មុនពេលមិនត្រូវកោះហៅចូលលេងក្នុងកម្មវិធី Euro។ ប្រភព៖ Marca
លោក Ronald Koeman ដាក់គោលដៅចង់ឲ្យខ្សែបម្រើទាំងអស់រកឲ្យបានពី៣ទៅ៦គ្រាប់នៅរដូវកាលថ្មី
អ្នកចាត់ការ Ronald Koeman កំពុងតែរៀបចំដើម្បីរដូវកាល២០២១-២១ ហើយសង្ឃឹម Barcelona អាចពង្រឹងនូវអ្វីដែលពួកគេសម្រេចបានក្នុងឆ្នាំដំបូងរបស់លោកក្នុងការដឹកនាំ។ អ្នកចាត់ការសញ្ជាតិហូឡង់សម្លឹងឃើញការពង្រឹងគ្រប់តំបន់ ហើយជាពិសេសចង់ឲ្យខ្សែបម្រើរបស់លោកទាំងអស់គួរឲ្យអាចរកគ្រាប់ឲ្យបានច្រើន។ មកកាន់ Barca នៅឆ្នាំដំបូង Koeman បានជួយក្រុមឈ្នះពាន Copa del Rey តែមួយគត់ និងឈរលេខ៣នៅតារាពិន្ទុ La Liga។ ក្នុងកិច្ចសម្ភាសន៍មួយ Koeman អំពីខ្សែបម្រើក្មេងៗរបស់ក្លឹបដូចជា Frenkie de Jong ថា ត្រូវតែពង្រឹងទៅមុខ ហើយក្លឹបនឹងបន្តធ្វើការជាមួយគេដើម្បីឲ្យទទួលបានលទ្ធផលល្អប្រសើរទៅមុខ។ ដូចខ្សែបម្រើទាំងអស់ក្នុងក្លឹប បូករួមទាំង De Jong ផង គួរតែអាចរកគ្រាប់បាល់បានចន្លោះពី ៣ទៅ៦គ្រាប់ ក្នុងរដូវកាលថ្មី។
មែនញូ ចង់ខ្ចីជើង Vinicius មកលេងនៅអង់គ្លេស ហើយអាចនិងទិញយកផ្តាច់តែម្តងបើលេងល្អ
ក្លឹប Manchester United មានបំណងចង់នាំយកខ្សែបម្រើប្រយុទ្ធ Vinicius Jr មកលេងនៅ Premier League ដោយចង់ខ្ចីជើងសិន មុនពេលសម្រេចិត្តទិញផ្ដាច់។
De Gea បន្ថយថ្ងៃសម្រាកលំហែកាយ ដើម្បីមកហ្វឹកហាត់ជាមួយ Man Utd
អ្នកចាំទី David de Gea បានកាត់បន្ថយថ្ងៃសម្រាកលំហែកាយរបស់ខ្លួន ដើម្បីប្រញាប់មកហ្វឹកហាត់នៅជំរុំរបស់បិសាចក្រហម Manchester United វិញ។ ការមកលឿននេះ គឺដើម្បីប្រជែងយកដៃទី១វិញ ក្រោយពីចុងរដូវកាលកន្លងទៅ រូបគេមិនមានឱកាសលេងនោះទេ ដោយសារលោក Ole ផ្ដល់ទំនុកចិត្តលើ Dean Henderson ជាង។ ខណៈដែល De Gea វិញ នៅជម្រើសជាតិអេស្ប៉ាញកាលពីព្រឹត្តិការណ៍ Euro 2020 កន្លងទៅ ក៏មិនបានលេងដែរ។ ដោយនេះបញ្ជាក់ថាដៃទី១របស់គេទាំងនៅជម្រើសជាតិ និងក្លឹបក៏កំពុងស្រពិចស្រពិលហើយ។ ដើម្បីជាការពង្រឹងសមត្ថភាពវិញត្រៀមរដូវកាលថ្មីនោះ ទើបកីឡាករវ័យ៣០ឆ្នាំសម្រេចចិត្តបន្ថយថ្ងៃសម្រាក និងប្រញាប់មកហ្វឹកហាត់វិញ។ ខណៈដែល Dean Henderson ដែលមានឈ្មោះក្នុងបញ្ជីក្រុមអង់គ្លេសឡើងដល់វគ្គផ្ដាច់ព្រ័ត្រ Euro 2020 នោះ បានមកហ្វឹកហាត់ជាមួយក្រុមវិញបាត់ទៅហើយ៕
មេធំ Inter Milan បញ្ជាក់ច្បាស់ៗ ថាក្លឹបសម្លឹងឃើញកីឡាកររបស់ Arsenal មួយរូប
នាយកជាន់ខ្ពស់ក្លឹប Inter Milan លោក Giuseppe Marotta បានបញ្ជាក់ច្បាស់ៗថា ក្លឹបរបស់ខ្លួនកំពុងចាប់អារម្មណ៍ទៅលើខ្សែការពារ Hector Bellerin របស់ក្លឹបអង់គ្លេស Arsenal ដោយចង់យកគេមកជំនួសតំណែង Achraf Hakimi ដែលបានចាកចេញផ្ទេរទៅ PSG។ តាមការបញ្ជាក់ពីលោក Moratta ក៏សង្កត់ធ្ងន់ដែរថា រឿងរ៉ាវ Bellerin នេះជាការពិត តែការដែលមានចចាមអារ៉ាមក្លឹបចង់យក Alex Telles មកជំនួស Ashley Young គឺជាព័ត៌មានមិនពិតឡើយ។ ប្រាប់ Sky Italia លោក Marotta មានប្រសាសន៍ថា៖ “Hector Bellerin ជាកីឡាករដែលយើងកំពុងតាមមើល តែខ្ញុំសុំមិននិយាយអ្វីលើសពីហ្នឹង ចំពោះ Alex Telles យើងមិនបានរាប់បញ្ចូលនោះទេ តែគម្រោងទៅថ្ងៃខាងមុខបែបណាទៀត យើងនឹងរង់ចាំមើល គ្រាន់ថាពេលនេះផែនការណ៍របស់យើងគឺត្រូវការកីឡាករល្អមកជំនួសក្រោយយើងបានលក់ Hakimi”។ […]
